Toneelvereniging Roke 'Kuurboerderij Dolelu'
Het toneelstuk dat we uitvoeren heet: Kuurboerderij Dolelu.
We starten om 19:45 uur in de Heugte in Radewijk.
Anton en Grietje hebt de boerderi’je over’doane an Hendry en begönt zölf een kuurboerderi’je woar ooldere luu die um de ien of aandere reed’n eevn niet in hoes könt weezn veur een zettie onderdak en verzörging könt krieg’n. Alles is der kloar veur: het hoes is an’epast en een nichte van Anton is in’ehuurd veur de verzörging. De eerste twie gast’n hebt al ‘eboekt en komt over een paar daag’n. Maar ja, het giet niet aait zoaj wilt. En zeker hier niet. De gast’n komt, met te weinig bagage, maar wal met een barg probleem’n . Die probleem’n blieft, maar veur de rest is der elke keer van alles weg of toch niet echt. Zelfs de verzörgster is in ien keer foetsie….. of ….. Het is in ien woord iene grote chaos .. En as dan de buur’n zich der ok nog met goat bemui’n is het hek hillemoale van de dam. De kuurboerderi’je lik veur de ondergang te stoan, maar veur alles is een oplössing … nou ja, veur alles ??? Ondanks dat vermaakt de gast’n, zich (meestal tenminste) kostelijk, zeker als der jacht ‘maakt wordt op een miljoenenschat, maar wantrouw’n en zelfs agressie stekt elke keer de kop weer op. Een happy end lik der disse keer niet in te zitt’n, of zol der heel misschien……… en wie wordt der het slachtoffer van Amors pijl’n … of zol die der disse keer noast schiet’n??? I’j könt het metmaak’n bij kuurboerderi’j DOLELU
Kaarten te bestellen via Ria Vinke 0523 216476 of mail naar toneelvereniging.roke@gmail.com
